SUFFOCATO Lex (De)

De SUFFOCATO Lex
indigitatur Genes. c. 9. v. 4. Carnem cum anima sua, (i. e.) sanguine sua non comedetis: aliquories postmodum reperita. Uti enim in Lege adeps omnis, sic et sanguis prohibitus est, Levit. c. 3. v. 17. utpote altaribus uterque sacer ad expiationem, vide supra suô locô, ut et ubide Munditie ceremoniali. Quae Lex licet ad ceremonias et umbras V. Testamenti pertineret, nihilominus Apostoli Conciliô Hierosolymitanô, observationem ad tempus commendârunt, ne nimium offenderentur Iudaei zelotae, si viderent Gentiles credentes omnes plane ritus Mosaicos negligere, sicque citra intertrimentum libertatis Christianae illius exercitium ad tempus per charitatem temperârunt, ne cederet in scandalum proximi, vide Actor. c. 15. v. 20. Quô scandali periculô postmodum ceslante inprimis ditutô iam templô et confirmatô ab omni parte Euangeliô, eriam observationis huius necessitas sublata est, tardius citius, pro eo, quô erant homines, ingeniô, et maiore aut minore rerum sacrarum intelligentiâ praediti. Ex qua varietate factum est, ut variis etiam modis, Conciliis Ecclesiasticis, poenisque politicis fuerit quandoque renovata. Vide quae Baronius Cardinalis affert adversus Partes Concilii VI. Annal. Tom. VIII. A. C. 692. sect. 30. Item Zachariae Pontificis hac de re sententiam Epist. ad Bonifac. Arch. Moguntin. Tom. II. concil. Edit. Quentel. 2. p. 452. et 453. nec non severam sanctionem Leonis Imperator. Noveli. constit. 58. Adde Can. 65. Concilii Wormatiensis. Sic ut etiamnum a plerisque in Ecclesia Graeca, et paucissimis quibusdam in Occidente, ex infelici cacozelia observetur. Qua de re sic Augustin. contra Faustum l. 32. c. 13. Ubi Ecclesia gentium talis effecta est, ut in ea nullus Israelita carnalis appareat: quis iam hoc Christiamis observat, ut turdos vel minutiores aviculas non attingat, nisi quarum sanguis effusus est? aut leporem non edat, si manu a cervice percussus, nullo cruento vulnere occisus? Et qui forte pauci adhuc tangere ista formidant, a coeteris irridentur. Vide quoque Irenaeum l. 2. c. 12. Tertullian. de pudic. c. 12. Cyprianum, Ambrosium, Alios: et supra ubi de Pecoris usu, ac Sanguine.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.